14-08-1387

كوردستان میدیا: رۆژی یه‌كشه‌ممه‌، رێكه‌وتی 2ی نوامبری 2008ی زایینی، به‌ڕێز مه‌سعود بارزانی سه‌رۆكی هه‌رێمی كوردستان له‌گه‌ڵ ژماره‌یه‌ك له‌ كورده‌كانی دانیشتووی ئامریكا له‌ هۆتێل هیلتۆن له‌ ده‌ڤه‌ری واشنگتۆن كۆبۆوه‌.
كۆبوونه‌وه‌كه‌ كاتژمێر 1:30ی خوله‌كی دوانیوه‌رۆ به‌ ڕاگرتنی یه‌ك خوله‌ك بێ ده‌نگی بۆ رێزگرتن له‌ گیانی شه‌هیدان ده‌ستی پێكرد.

پاشان قوباد تاڵه‌بانی، نوێنه‌ری حكومه‌تی هه‌رێمی كوردستان له‌ ئامریكا، به‌خێرهاتنی سه‌رۆكی هه‌رێمی كوردستانی بۆ ئامریكا كرد، ناوبراو دیدارو چاوپێكه‌وتنه‌كانی سه‌رۆكی هه‌رێم‌و گه‌وره‌ به‌رپرسانی ئامریكای به‌ سه‌ركه‌وتوو نرخاند. پاشان سه‌رۆكی هه‌رێمی وتارێكی گرینگی سه‌باره‌ت به‌ عێراق‌و ناوچه‌كه‌و بارودخی هه‌رێم پێشكه‌ش كرد.
شایانی باسه‌ ئه‌ندامان‌و لایه‌نگرانی حیزبی دێموكڕات‌و یه‌كیه‌تیی لاوان به‌شێوه‌یه‌كی به‌رچاو به‌شداری ئه‌و كۆبوونه‌وه‌یه‌ بوون‌و هاوكات وه‌ڤدێكی كۆمیته‌ی حیزب به‌ به‌رپرسایه‌تی كاك جه‌ماڵ عه‌بدوڵازاده‌، ‌به‌رپرسی كۆمیته‌ی حیزب‌و كاك جه‌عفه‌ر شكاك، به‌رپرسی كۆمیته‌ی یه‌كیه‌تیی لاوان له‌ ئامریكا به‌ فه‌رمی به‌شداری ئه‌و كۆبوونه‌وه‌یه‌ بوون.
راپۆرت: حیزبی دێموكراتی كوردستانی ئێران ـ ئامریكا
یه‌كیه‌تی لاوانی دێموكراتی كوردستانی ئێران ـ ئامریكا